Skomakar forlat din leist!

”Kannestøyparen skal ikkje drive politikk”,
sa fader Holberg.
”Skomakar bli ved din leist”,
sa ein annan vismann.

”Vi skal bygge eit kompetansesamfunn”,
seier statsministeren.

”Ingen får vere bonde utan skikkeleg utdanning”,
seier landbruksminister Hansen.
”Men i min jobb er det ein fordel
at eg ikkje veit noko særleg om bondeyrket”.

Det var gildt å vite
for oss som ikkje er så glupe.
Kannestøyparar er ingen igjen av.
Men for ein skarve skomakar
opnar det seg nye mål:


Blir eg lei av leisten
kan eg bli landbruksminister.
Eg veit i det minste
at lêret kjem frå kua!

Lappeskomaker`n