Brudlaup her og der

Eg har også gifta meg ein gong.
Plassgut - ikkje mors beste barn,
tura med heimbrent, slost i flekkan,
og i grannebygda bak åsen
sat ei jente med ein førkjunge
som ho skulda meg for.

Men dotter til Bø-bonden, banksjefen,
ville absolutt ha meg,
det nytta ikkje kva foreldra sa.
Til sist gav Bø-mannen etter.
Kapellan Olsen vigde oss
på lespande bergensk,
og etterpå åt vi svin og surkål
på Gjestgiveriet.

Vi starta med vals
og enda med springar,
- men kvardagen grydde
over Skomakarplassen.
Ungar kom. Dei lærde data
og gjekk dokterskulen.

Da banksjefen gjekk skoa av seg
var eg god å ha.
No er han fusjonert,
og vår data-son
styrer alt frå hovudstaden,
medan han sjølv får piller
av dokter-dottera.

Slik kan følgjene bli
av eit heilnorsk brudlaup.
Og ei kafédame
er slett ikkje ringare enn ein

Lappeskomaker