Ære

Eg les i avisa om ære.
Ein asiatisk mann
har drepe dottera
for æras skuld.

Før i tida skulle
Vestens menn
drepe rivalen i duell
av samme grunn.

Alle land
ærar sine krigarar
anten dei drep eller døyr.
Æra slit kroppane sund,
sprettar bukane
og stikk ut auga.
Å lappe i hop
gir inga ære.

Mest lykkeleg er eg
som ærelaus mann.
For eit lite barn,
ei døyande mor
og ein vakker blom
spør aldri om æra.

Lappeskomaker'n